Абдуллақызы Тоғжан 21.11.1978 жылы Оңтүстік Қазақстан облысы, Шардара ауданының Қазақстан ауылында дүниеге келді.
1985-1995 жылдар арасында «Қазақстан» орта мектебінде оқып, білім алды.
1995-1998 жылдары Жетісай гуманитарлық колледжінің филология факультетінде оқып, негізгі мектептің қазақ тілі мен әдебиеті пәнінің мұғалімі мамандығын алып шықты.
2001-2005 жылдары өзінің туған ауылы Қазақстандағы Сырбек Каттебеков атындағы орта мектепте педагогтік еңбек жолын бастады.
Аталған мектепте қазақ тілі мен әдебиетінен дәріс бере жүріп, 2005 жылы Халықаралық Қазақ-Араб университетінде өз мамандығы бойынша сырттай оқып, жоғары білім алды.
Отбасымен Түлкібас ауданына қоныс аударып келуіне байланысты, 2005 жылдан бастап Жабағылы ауылындағы Ә.Молдағұлова атындағы жалпы орта мектебінде қазақ тілі мен әдебиеті пәнінің мұғалімі қызметін атқарып келеді. Жоғары санатты ұстаз, педагог-зерттеуші. Аудандық, облыстық байқаулардың жеңімпазы, бірнеше ғылыми мақалалар мен авторлық бағдарламаның авторы.
Отбасылы, жұбайы Бақытбекпен бірге үш ұл, екі қыз тәрбиелеп отырған Тоғжан Абдуллақызы өз шәкірттеріне білім берумен қатар, шығармашылыққа да баулып келеді. Өз шығармашылығы бойынша байқауларға қатысқан оқушылары аудандық, облыстық байқауларда жеңімпаз атанды.
Шығармалар
