Әбілмажанов Серғазы Бакуадинұлы 1960 жылы қаңтар айының 2 — сі күні Қызылорда облысы Арал ауданы «Ұялы» ауылында туылған.
1977 жылы «Бектау» ауылындағы N 83 «Ұялы» орта мектебін бітірген. Сол жылы Қызылорда қаласындағы Н.В.Гоголь атындағы педагогика институтының филология факультетіне оқуға түсіп, оны 1981 жылы қазақ тілі мен әдебиеті мамандығы бойынша бітірген.
1981-1995 жылдары Қызылорда облысы Қазалы ауданындағы N 225 қазақ орта мектебінде мұғалім болып қызмет атқарды.
1997 — 2023 жылдары Оңтүстік Қазақстан облысы Түлкібас ауданы Б.Момышұлы атындағы жалпы орта мектебінде еңбек етті.1998 жылдан мектеп директорының оқу ісі жөніндегі орынбасары қызметін атқарды. 2023 жылдың 4 қаңтарында құрметті еңбек демалысына шықты.
Мақалалары мен өлеңдері республикалық «Жас Алаш»,» Ана тілі», облыстық «Оңтүстік Қазақстан», аудандық «Шамшырақ», еркін апталық» Машат» газеттерінде жарияланып тұрды.
2011 жылы «Ақбота» атты жыр жинағы жарық көрді. «Өлең өрдім өмірден» атты өлеңдер жинағының қолжазбасы дайын тұр.
Ы.Алтынсарин төсбелгісімен, Қазақстан Республикасы Конституциясының 25 жылдығына орай мерекелік медальмен марапатталған. Жары Күпариза екеуі 2 ұл, 1 қыз тәрбиелеп өсірген. Әзірге 7 немеренің атасы.
